ਜਲੰਧਰ ਦੇ ਰਾਘਵ ਕਪੂਰ ਨੂੰ ਅਖੰਡ ਭਾਰਤ ਗੌਰਵ ਅਵਾਰਡ 2021, ਮਿਊਜ਼ਿਕ ਇੰਡਸਟਰੀ ‘ਚ ਯੋਗਦਾਨ ਦੇਣ ‘ਤੇ ਮਿਲਿਆ ਸਨਮਾਨ

ਜਲੰਧਰ,27 ਅਕਤੂਬਰ (ਪੀ.ਵੀ ਨਿਊਜ਼) ਜ਼ਿਲ੍ਹੇ ਦੇ ਥੋਕ ਵਪਾਰੀਆਂ ਦੀ ਮੋਹਰੀ ਸੰਸਥਾ ਅਟਾਰੀ ਬਾਜ਼ਾਰ ਦੀ ਥੋਕ ਜਨਰਲ ਮਰਚੈਂਟ ਐਸੋਸੀਏਸ਼ਨ ਦੇ ਪ੍ਰਧਾਨ ਰਾਜੇਸ਼ ਕਪੂਰ ਦੇ ਪੁੱਤਰ ਰਾਘਵ ਕਪੂਰ ਨੇ ‘ਅਖੰਡ ਭਾਰਤ ਗੌਰਵ ਐਵਾਰਡ 2021’ ਜਿੱਤਿਆ ਹੈ। ਰਾਘਵ ਨੂੰ ਇਹ ਸਨਮਾਨ ਸੰਗੀਤ ਉਦਯੋਗ ਵਿਚ ਉਨ੍ਹਾਂ ਦੇ ਯੋਗਦਾਨ ਲਈ ਦਿੱਤਾ ਗਿਆ ਹੈ। ਇਸ ਸਬੰਧੀ ਮੁੰਬਈ ਗਲੋਬਲ ਆਰਗੇਨਾਈਜੇਸ਼ਨ ਵੱਲੋਂ ਚੰਡੀਗੜ੍ਹ ਵਿਚ ਕਰਵਾਏ ਸਮਾਗਮ ਦੌਰਾਨ ਅਦਾਕਾਰਾ ਜਯਾਪ੍ਰਦਾ ਤੇ ਅਦਾਕਾਰ ਰਾਜਪਾਲ ਯਾਦਵ ਨੇ ਰਾਘਵ ਕਪੂਰ ਨੂੰ ਇਹ ਐਵਾਰਡ ਭੇਟ ਕੀਤਾ। ਇਸ ਸੰਸਥਾ ਦੀ ਵੱਲੋਂ ਵਪਾਰਕ, ​​ਵਾਤਾਵਰਣ, ਪ੍ਰਸ਼ਾਸਨਿਕ, ਖੇਡਾਂ, ਸੰਗੀਤ ਤੇ ਅਦਾਕਾਰੀ ਸਮੇਤ ਵੱਖ-ਵੱਖ ਖੇਤਰਾਂ ਵਿਚ ਯੋਗਦਾਨ ਦੇਣ ਵਾਲਿਆਂ ਨੂੰ ਸਨਮਾਨਤ ਕੀਤਾ ਜਾਂਦਾ ਹੈ।

ਰਾਘਵ ਕਪੂਰ ਪਿਛਲੇ ਕਾਫੀ ਸਮੇਂ ਤੋਂ ਮਿਊਜ਼ਿਕ ਇੰਡਸਟਰੀ ‘ਚ ਪੂਰੀ ਤਰ੍ਹਾਂ ਸਰਗਰਮ ਹਨ। ਖਾਸ ਕਰਕੇ ਆਪਣੀ ਬਾਣੀ ਰਾਹੀਂ ਹਰ ਖੇਤਰ ਵਿਚ ਆਪਣੀ ਪਕੜ ਬਣਾਈ ਹੈ। ਰਾਜੇਸ਼ ਕਪੂਰ ਦਾ ਕਹਿਣਾ ਹੈ ਕਿ ਰਾਘਵ ਦਾ ਜਨੂੰਨ ਸ਼ੁਰੂ ਤੋਂ ਹੀ ਸੰਗੀਤ ਨਾਲ ਸੀ। ਉਸ ਦਾ ਕਹਿਣਾ ਹੈ ਕਿ ਅਟਾਰੀ ਮੰਡੀ ਵਿਚ ਥੋਕ ਦਾ ਕਾਰੋਬਾਰ ਹੋਣ ਦੇ ਬਾਵਜੂਦ ਬੇਟੇ ਨੇ ਸੰਗੀਤ ਦਾ ਖੇਤਰ ਚੁਣਿਆ ਹੈ। ਰਾਘਵ ਨੂੰ ਸ਼ੁਰੂ ਤੋਂ ਹੀ ਸੰਗੀਤ ਵਿਚ ਦਿਲਚਸਪੀ ਸੀ। ਇਸ ਕਾਰਨ ਉਸ ਨੇ ਆਪਣੇ ਕਰੀਅਰ ‘ਤੇ ਕਿਸੇ ਤਰ੍ਹਾਂ ਦਾ ਦਬਾਅ ਨਹੀਂ ਪਾਇਆ। ਇਹੀ ਕਾਰਨ ਸੀ ਕਿ ਰਾਘਵ ਨੇ ਆਪਣੀ ਰੁਚੀ ਮੁਤਾਬਕ ਸੰਗੀਤ ਦੇ ਖੇਤਰ ਨੂੰ ਖੁੱਲ੍ਹ ਕੇ ਅਪਣਾਇਆ।

Leave a Reply

Your email address will not be published. Required fields are marked *