ਲੁਧਿਆਣਾ ’ਚ ਬੈਂਸ ਸਮਰਥਕਾਂ ਅਤੇ ਸ਼੍ਰੋਅਦ ਵਰਕਰਾਂ ’ਚ ਟਕਰਾਅ ਨਾਲ ਵਧਿਆ ਤਣਾਅ, LIP ਨੇਤਾਵਾਂ ਨੂੰ ਬੱਸਾਂ ’ਚ ਭਰ ਕੇ ਲੈ ਗਈ ਪੁਲਿਸ

ਲੁਧਿਆਣਾ,22 ਅਕਤੂਬਰ (ਪੀ.ਵੀ ਨਿਊਜ਼) ਲੋਕ ਇਨਸਾਫ਼ ਪਾਰਟੀ (LIP) ਦੇ ਪ੍ਰਧਾਨ ਤੇ ਹਲਕਾ ਆਤਮਨਗਰ ਤੋਂ ਵਿਧਾਇਕ ਸਿਮਰਜੀਤ ਸਿੰਘ ਬੈਂਸ ’ਤੇ ਦੋਸ਼ ਲਗਾਉਣ ਵਾਲੀ ਔਰਤ ਵੱਲੋਂ ਆਪਣੀ ਸ਼ਿਕਾਇਤ ਵਾਪਸ ਲੈਣ ਤੋਂ ਬਾਅਦ ਲੋਕ ਇਨਸਾਫ਼ ਪਾਰਟੀ ਦੇ ਕਾਰਜਕਰਤਾਵਾਂ ਨੇ ਰੋਹ ਭਰਪੂਰ ਤੇਵਰ ਦਿਖਾਉਣੇ ਸ਼ੁਰੂ ਕਰ ਦਿੱਤੇ। ਲੁਧਿਆਣਾ ’ਚ ਸ਼ੁੱਕਰਵਾਰ ਨੂੰ ਭਾਈਬਾਲਾ ਚੌਕ ’ਚ ਸੁਖਬੀਰ ਬਾਦਲ ਤੇ ਸਿਮਰਜੀਤ ਸਿੰਘ ਬੈਂਸ ਸਮਰਥਕ ਆਮ੍ਹਣੋ-ਸਾਹਮਣੇ ਆ ਗਏ। ਦੋਵਾਂ ਗੁੱਟਾਂ ਨੇ ਇਕ-ਦੂਸਰੇ ਖ਼ਿਲਾਫ਼ ਜੰਮ ਕੇ ਨਾਅਰੇਬਾਜ਼ੀ ਕੀਤੀ। ਬੈਂਸ ਸਮਰਥਕਾਂ ਨੇ ਸ਼੍ਰੋਅਦ ਤੇ ਪਾਰਟੀ ਦੇ ਸੀਨੀਅਰ ਨੇਤਾ ਹਰੀਸ਼ ਢਾਂਡਾ ਦਾ ਪੁਤਲਾ ਫੂਕਿਆ। ਮੌਕੇ ’ਤੇ ਮੌਜੂਦ ਪੁਲਿਸ ਨੇ ਦੋਵਾਂ ਪੱਖਾਂ ਨੂੰ ਕੰਟਰੋਲ ਕਰਕੇ ਟਕਰਾਅ ਨੂੰ ਟਾਲਿਆ। ਪੁਲਿਸ ਨੇ ਬੈਂਸ ਸਮਰਥਕਾਂ ਨੂੰ ਹਿਰਾਸਤ ’ਚ ਲੈ ਲਿਆ ਅਤੇ ਉਨ੍ਹਾਂ ਨੂੰ ਬੱਸ ’ਚ ਭਰ ਕੇ ਥਾਣੇ ਲੈ ਗਏ।

ਇਸ ਮੁੱਦੇ ’ਤੇ ਸ਼੍ਰੋਅਦ ਨੇ ਜੰਮ ਕੇ ਬੈਂਸ ਨੂੰ ਘੇਰਨ ਦਾ ਯਤਨ ਕੀਤਾ ਸੀ ਅਤੇ ਕਈ ਵਾਰ ਸੀਪੀ ਨੂੰ ਬੈਂਸ ਦੇ ਖ਼ਿਲਾਫ਼ ਕਾਰਵਾਈ ਕਰਨ ਨੂੰ ਲੈ ਕੇ ਮੁਲਾਕਾਤ ਵੀ ਕੀਤੀ। ਹੁਣ ਔਰਤ ਵੱਲੋਂ ਸ਼ਿਕਾਇਤ ਵਾਪਸ ਲੈਣ ਤੋਂ ਬਾਅਦ ਲਿਪ ਦੇ ਨਿਸ਼ਾਨੇ ’ਤੇ ਸ਼੍ਰੋਅਦ ਆ ਗਿਆ ਹੈ।

Leave a Reply

Your email address will not be published. Required fields are marked *